Weihnachtsgedicht
De Wiehnachtsmann (Greta Schoon)
Ik heb hum sehn mit Sack und Pack
un mit sein olle Schimmel.
He kwam dor an – stapp, stapp, trapp, trapp –
ik glööv, nett bov’n van Himmel
Dat gung dor langs – trapp, trapp, stapp, stapp –
mit seine grode Stefels!
Vör elke Fenster stunn he still
un lurd’ vör alle Gevels.
En dicken Stock harr he in Hand,
denn geiht dat Lopen beter.
Sein griese Bart, de was so lang!
Dat weern bestimmt twee Meter.
Un bi hum was en Engelke,
dat drog en sieden Rockje,
harr up de Rügg twee Flögelkes.
An elke hung en Klockje.
Och nee, wat hebb’k mi do verfeert!
Bün achter ´d Heeg gau kropen
un, as he wiedergung mit Peerd,
in Drafft na Huus hen lopen.